الرئيسية
ثلاث ايّام مرّن في حياتـي غيـر=
ثلاث ايّام عشت الحـبّ واغليتـك
ثلاث ايّام واتهجّـى كـلام الطيـر=
كلام أعْذَبْ من اعْذبْ من تفدّيتـك
رسالة حبّ شاهدْها غـلا وْتعميـر=
على فْوادي تربَّعْ واسْكنْ فْـبيتـك
أقول إشْ قد انا عطشان وانت البير=
دَلو فكري نَضَحْ من كلمتـي ليتـك
أقول ال(ما يصير) لْعينك انت يْصير=
ولو حتى بْثرّيـا الكـون حطّيتـك
حبيبي والغلا صوره بـلا تصويـر=
صوَرْها بكل رَمشة عين أنا ريتـك
حبيبي والعطـا يحتـاج للتقديـر=
إذا صرّحت أنا اللي حّيـك وْمَيْتـك
ثلاث ايّام مرّن في حياتـي غيـر=
ثلاث اّيام عشْت الحـب واغليتـك
ثلاث ايّام لكن ما ادري شِ التفسير=
بس.. ادري من ثلاث ايّام حبّيتـك
