بجعة من الخيال


    اتريدين ان تكوني جميله ؟؟وواثقه من نفسك ؟؟

    شاطر
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:35 pm

    بسم الله الرحمن الرحيم

    ان الثقه بنفسه هي من اهم صفه للنجاح في الحياة,,,,

    واكثر صفه تؤدي الى الفشل في الحياة الزوجية والخجل والعزله خصوصا نقص الثقة

    بالنفس او عدم احترام الذات

    وهذا الموضوع مخصص للفتيات اللي ماعندهن شيء من القناعه او ثقة بأنفسهن

    وهذه مقتطفات جمعتها من تجارب الكثير واغلبها متقوله من العضوة غلا عمري فلاتنسوها واياي من صالح الدعاء

    قد ترى فتاةً تقول انا لست جميلة كفلانه

    وهي اصلا لم تبحث عن معالم الجمال في شكلها ولا حتى تستغلها

    اترككم مع الموضوع ويارب يفيدكم

    وبصراحه هذا العرض رااااااااااائع

    انصحكم انكم تقرونه يا الغاليات




    oOعرض بوربوينت للثقة بالنفسOo

    هذا عرض بوربوينت مصممه الدكتور منصور الخريجي


    رووووعه ومفيد بمعنى الكلمه باذن الله



    أسال الله ان ينفع به
    وأن نرقى بأمتنا للأفضل دائما

    درس دلـــــــــع في دلـــــــع


    عاجلا غير اجلعمر الانوثه ماكانت مجرد ملامح جماليه او شكل انيق بس ..واللي تبي تصير انثى ودلوعه لازم تكون كذا قلبا وقالبا..واقع وخيال ... احساس وتطبيق ..ورايي ان الانوثه والدلع قاعدتها الذهبيه هي الثقه بالنفس عشان كذا تعالي





    أول شي قوليلي عندك ثقه بنفسك؟
    ماعندك؟
    طيب ليش ماعندك...احساسك نابع من شكلك في شي معقدك بقوه؟ طيب طول عمرك كان عندك هالاحساس بعدم الثقه ؟ يمكن بسبب شي قديم او شي انبنت شخصيتك عليه ؟ معاملة اهلك مثلا ؟ او فمراهقتك احد عقدك فشي بشكلك او بصوتك او بحركاتك وكبر معك هالشي ؟ او دائما تتعرضين للانتقاد من صديقات او من قريبات او من اهلك نفسهم؟ ..

    طيب بما انك تزوجتي وزوجك هو محور حياتك ليش ماتقتنعين انه مرحله جديده وانه مايعرف عن ماضيك شي ولا عن معاملة اهلك القديمه شي ولا عن الاشياء اللي تنتقدين فيها فالمراهقه مثلا وتتعقدين منها ...ادري ان البنت دايم ثقتها تجي من امتداح الشكل ثم الاخلاق ثم الشخصيه والاسلوب فالتعامل ... وبنفس الوقت عارفه انه مو شي صحيح ان كل انسان يتقيم حسب شكله لكن هذا الواقع بالنسبه للبنات خصوصا ففترة المراهقه ... ومايخفى على احد ان فترة المراهقه هي من اهم الفترات اللي الواحد يكتسب فيها ثقته بنفسه وشكله ومن تقبل الناس له ..مضايقتك سمنتك وانتي صغيره وكبر هالاحساس معاك... ولا طفشك حب الشباب فوجهك وكرهتي الاجتماعات مع القرايب والصديقات والناس وانزويتي لحد ماكبرتي ونضج تفكيرك لكن مكبلتك هالمشاعر من اعماقك... ولا ماتذكرين اصلا ليش ماعندك ثقه فنفسك


    اقولك متى اظن انه مايكون عندك ثقه فنفسك؟

    - لما تحاولين تدلعين وتستعرضين انوثتك قدام زوجك او خطيبك وتحسين نفسك سخيفه وتافهه ومو لايقه عليك هالحركات او التصرفات

    - -لما تدلعين عليه وانتي بينك وبين نفسك تقولين أكيد شكلي طالع مصطنع ؟ اكيد حركتي هاذي بايخه؟ اكيد ماحبها ولا اثرت فيه هالحركه

    - - واذا تجرأتي وسويتي كم حركه وامتدحها بتقولين لنفسك يجاملني ؟

    ...فترة خطوبتك او بداية زواجك مرحله جدا رائعه انك تقوين ثقتك بنفسك وتقوين شخصيتك وتطورين نفسك كأنثى وكزوجه ..

    في اشياء كثير تساعدك..

    - اول شي غالبا يكون غريب عنك شخصيا حتى لو كان من قرايبك بحكم عاداتنا وتقاليدها ..فكري فيها زين .. هو مايعرف عنك شي مايدري ان كان ابوك يضربك من وانتي صغيره وطبعا مافي داعي تقولين له ؟... مايدري ان خواتك يعايرونك من وقت للثاني او يعلقون عليك بمزح عشان جسمك مليان حبتين ..ولايدري انه ماكان لك صاحبات كثير فالكليه لانك كنتي تستحين تكلمين احد او تنفتحين فالكلام قدام احد لانك تخافين ينتقدك او تخافين تغلطين بشي ..هاذي حياه جديده ... واسألي أي وحده متزوجه بتقولك ان شخصية البنت تنقلب 360 درجه مع زوجها عنها مع أي احد ثاني سبحان الله حتى نبرة الصوت تتغير نظرات العين تتغير .. مشاعرك تصحى وقلبك واحساسك ينفتح لهالحياه الجديده
    بس انتبهي تفكرين بشي فات ؟..ادري تبين تلفتين نظره لو ماتجرأتي تحاولين تسلبينه بكلامك واسلوبك وشخصيك.. بتجرأين زي كل بنت فالدنيا انك تكشخين وتلبسين وتتزينين باقصى درجه ..فهالفتره اللي هي الخطوبه او بداية الزواج ان ماحصلت اعرفي انك انفتح ملف جديد فشخصيتك ماقد حسيتيه ولاشفتيه من قبل .. لاتكبلين نفسك بحيالخوف ....لاتقولين مابيتقبلني .. لاتستحين تحاكينه ولاتستحين تضحكين له ضحكة قلب وضحكة سن ...انسي التجارب السيئه اللي تزعزع ثقتك... اللي قدامك صفحه بيضا اكتبي اللي تبينه مع زوجك... بس مو مكتوب فيه أي شي ينقصك قدام نفسك ولاي نزل من ثقتك ولايشوه صورتك الجديده .. انتي كامله قدامه بثقتك وبشخصيتك... خليه يقيبلك زي مانتي بطبيعتك.. وش الداعي انك تقولين له من خلال تصرفانك ان فلانه ماتقبلتك وفلانه ماتحب لبسك ولا خواتك قالوا عنك دبا ولا ينادونك السمرا ولا أي شي ليش ..ليش تعطينه صوره سيئه عن نفسك بنفسك حتى لو ماكان بكلام ... انفتحت لك صفحه جديده عيشيها ... ماكنتي تقدرين تتزينين؟ تستحين ؟ يطنزون عليك كل ماتزينتي؟ طيب الحين تقدرين تتزينين ولك كامل الحق تسوين اللي تحبين دامه مايخالف دينك... انتي معه وفبيتك..انسي اللي مر قبله .. حتى اللي يمر معه فحياتك بس من الناس مو منه انسيه ...عند عتبة بابك ارمي الانتقادات وارمي التحطيم وارمي كل شي وادخليله الانسانه اللي يحب ويبي .. خليك ذكيه وعيشي حياتك زي ماتبين .. والحين اذا عرفتي تلمين بقايا ثقتك ..انا بقولك انها ماتكفي لحالها عشان تدلعين لحبيبك وزوجك والبنت اصلا ايش من دون الانوثه والدلع والمشاعر والحنان والاخلاق ..بس هاذي لازم تجسدينها انتي بيدك عشان تعيشينها ...عشان ترسمين مايكفي تكون عندك الموهبه ؟
    لكن الاهم يكون عندك الريشه والالوان ... وتطلعين احساسك وابداعك على لوحه على ورقه على الجدار ر مايفرق المهم تطلعينها .. وهاذي انوثتك تطلع يوم فضحكه ويوم بلمسه ويوم بصوت حنون ويوم بضمه دافيه ..بس لاتسجنين روحك جوا جسمك.. روحك تحرك جسمك روحك اللي تبقى وجسدك بيمرض يوم..وبيتعب يوم.. وبتزحف عليه التجاعيد يوم..وفيوم بيصير تحت التراب ويختفي ..روحك الحين بيدك توديها قاع الارض ولا ترفعينها لاعلى سما ... بيدك انتي تسعدين روحك ونفسك بطاعة ربك ومن بعده زوجك..بيدك تنسين وتداوين جروح الماضي .. ادري انك رقيقه وكل شي يأثر فيك.. وادري ان كل كلمه قدامك او من وراك توصلك او تحسينها تنهش ثقتك بنفسك...ليش فيوم لما ترجع لك ثقتك كامله مكمله ترجعين تشكلينها زي ماكانت قبل تجدد.. ليه تشوهين الصوره الحلوه .. ليش تستخسرينها بنفسك.. صدقيني انك تستاهلين .. انتي قيمي نفسك.. محد له حق يقيمك انتي ادرى الناس بنفسك.. ... والحين تعالي نروح للواقع ولاول جلسة بنات بنقعد فيها


    جلساتنا يالبنات

    أي هين مايليق الدلع اللي علي انا وهالشوشه
    ولا تكفين انا وركبي السود وش الدلع اللي بيليق علي !
    واللي تعلق على جسمها واللي على صوتها واللي على لونها

    طيب يعني انتي مخسوفه خسف مافيك شي يفتح النفس ؟ ولووو وش دعوه
    شعرك؟
    طيب عيونك؟
    طيب بشرتك وش اخبارها ؟
    طيب جسمك؟
    طيب صوتك؟
    طيب شفايفك؟
    طيب اللولو اللي بفمك ماتحسين انه حلو
    طيب لو قلنا كل ذولي مو فيك




    شعرك
    تعالي قوليلي عن شعرك؟





    مو ناعم مو طويل ؟ تحسين انه مايليق بوحده دلوعه؟
    طيب الحين كل المستحضرات اللي فمحلات التجميل وعند المشاغل ماتحل مشكلة شعرك المستعصيه؟؟
    لاحظي هنا اني ماتكلم عن علاج؟ انا اتكلم عن تجميل واخفاء ماياخذ وقت اسابيع وشهور زي العلاج
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:38 pm

    طيب شعرك خشن مثلا؟؟


    ماتسشورينه؟ ياكثر اللي شعرهم خشن وكله جمال مثل مين ؟
    انا واثقه انه ماتمر مناسبه الا وتقولين شوفي فلانه شعرها الليفه صاير يجنن وشوفي علانه الصبغه مخليه شعرها يهبل وشوفي ذيك يجنن الكيرلي عليها واللي قاعده هناك التجعيد مخليها ولا ميريام فارس وهاذي اللي جنبنا شعرها على طبيعته مجرد مسشوره كم خصله منثوره على جبينها وطالعه ولا بنات الفيديو كليب
    [size=16]طيب وين هالشي فيك أنتي ؟؟

    كل البشر في شي يحلي شعرهم الا انتي ؟؟


    معقول عاد؟؟ من كل هالقنوات اللي شفتيها وكل هالفديوكليبات اللي مرت عليك وكل المجلات اللي عندك ماشفتي لون او قصه او تسريحه شعر مجعد حسيتيها تليق عليك؟؟ عيني بعينك؟؟ ليش عطيتي نفسك فرصه تجربينها ؟؟
    فكري تقصين صوره وتاخذينها معك المشغل وقلتي ابي هالقصه وهااللون وهالتسريحه؟؟... ولا عايشه بتحطيمك لنفسك وقلة ثقتك بنفسك طول ايامك لين يجي عرس ولا مناسبه وتطيرين للمشغل تقصين وتصبغين وتسشورين ؟؟ وتشوفين روحك ذيك الليله ولا كل الجميلات ؟؟ وبنفس الوقت كل ماشفتي وحده حلوه ومرتبه اتجننتي عليها كنها من تصبح الصبح لين تنام وهي كذا ماكنها من اسابيع تجهز الفستان والاكسسوار والميك اب المناسب والتسريحه وغيره وغيره ؟؟ ليش دايم تفكرين كذا ؟؟ ليش ماتقولين ان الكل شايفك حلوه وطالعه غير هالمره؟

    طيب بالله لما كشختي آخر مره ورحتي زواج او مناسبه بالله مو من اول ماتدخلين تحسين رقبتك طايله شوي هههههههه والثقه فوق وودك تسولفين وتحسينك مبسوطه من جوا وودك الكل يشوفك وتشوفين نظرات الاعجاب بعيونهم حتى لو ماقالوا البنت تعرف من نفسها اذا كانت اثارت الاعجاب او حتى الدهشه لتغير شكلها لو شي بسيط
    طيييب تمام؟

    طيب الحين كل المستحضرات اللي فمحلات التجميل وعند المشاغل ماتحل مشكلة شعرك المستعصيه؟؟

    لاحظي هنا اني ماتكلم عن علاج؟ انا اتكلم عن تجميل واخفاء ماياخذ وقت اسابيع وشهور زي العلاج

    طيييب تمام؟صدقيني ..ولو فعلا فهمتي اللي قصدته وطبقتي الفكره وتعمقتي بالاحساس بيجيك هالحلى كله وينصب فوجهك وابتسامتك وعيونك...
    والحين مالك عذر .. مافي اكثر من القصات والتسريحات
    مليون قصه تناسب كل رسمه وجه لكن روحي للشخص المناسب
    ولما تروحين لهالشخص لاحظي انه مايعرفك يعني لاتخلين الكوافيره تقرر عنك لازم تتفقين معها حتى لو خذيتي وقت طويل تتناقشين فيه معها او حتى لو كلمتيها ورجعتي بيتك وفكرتي زين وتوصلتي للقصه اللي تريحك ورحتيلها يوم ثاني
    عشان ماتطيحين فمطب الموضه والخربطه حتى لو شفناها تجنن عليك مابتجيب نتيجه لان الشخص اللي المفروض يشوفها حلوه عشان تجيب مفعول هو انتي مو غيرك
    بمعنى اذا كنتي انسانه عمليه وماعندك وقت لاتختارين قصه مثلا تدريجها لازم يستشور لامحاله ولا مايطلع مرتب؟؟ او مثلا من القصات اللي اطراف الشعر تنقص باشكال مثلثات صغيره او الاطراف تقصها بالشفرها وغالبا هالشي ماتلاحظينه تسويه وهي تقص بدقايق وانتي ماحسيتي اسالي عنه لانه يعدم اطراف الشعر رغم انه يطلع حلو لكن المشكله انك لازم تجددين اطراف الشعر كل كم اسبوع وخصوصا اذا بتسشورين كل يوم وبكذا بتخسرين من طوله في حالة كنتي حابه يطول..وبكذا مابترتاحين ونكون ماستفدنا شي
    اوممكن تقص لك قصه ستايلش زياده عن اللزوم وعلى الموضه وانتي بطبعك ولبسك تميلين للنعومه مو للحوسه الكثيره والخصل الملونه ومية طبقه ويوم مرفوع يوم منزل يوم على جنب ..فاذا سوت لك شي مايناسب شخصيتك حتى لو ناسب شكلك مابترتاحين لانك بتحسين انه مو انتي او تلقائيا بترجعين للتمشيطه الهاديه والتسريحه الناعمه وتضيعين القصه ومابتطلعين حلوه لافنظر نفسك ولا فنظر الناس
    يعني لازم تقتنعين غصب عنك ان مو كل شي ناسب شكلك بيناسب شخصيتك وطبعك ولا كل شي يناسب شخصيتك وطبعك زي اذا كنتي مجنونه شوي بيناسب تصميم وجهك .. اتمنى تكونين اقتنعتي
    شوفي على سبيل المثال نجوى كرم ...رغم انها مشهوره وتقدر تسوي اطلق قصه ولون عند اطلق مزين شعر تلقاينها دايم شعرها اسود والقصه مدرجه مع غره باختلاف بسيط وهذا قمة الذكاء منها عشان هي ترتاح اولا واذا ارتاحت بتطلع اجمل واحلى ولو تلاحظينها فمقابله مثلا بتلاقينها هاديه وجديه ومتزنه نوعا ما ولون شعرها وقصتها حلوين على وجهها وبنفس الوقت مو شاذين عن شخصيتها ... وانا ضربتها كمثال لاحبنا فيهم ولا بفنهم الله يهديهم لكن حابه اوصل المعلومه .. و ترا شعرها ليفه مو مجرد خشن وشوفوا كيف طالع يجنن مجرد انها تسشور سشوار مضبوط وتقص قصه تناسبها !

    تعالوا طيب لمرح جبر اذا تعرفونها .. برضو شعرها اجعد مرره .. ونادرا حتى انها تسشور بس دايم شعرها يجنن ليش ؟؟ مجرد تلفلفه لف عادي او تسويه كيرلي مع غره مسشوره وابتسامه حلوه ياسلام
    واللف الحين مافي اسهل منه في لفافات كهربا ماتاخذ معاك خمس دقايق وفي اللفافه اللي تجي زي السشوار تشبكينها فالكهرب وتلفين فيها وفي برضو الفير اللي تشبكينه فالكهرب يلفلف الشعر ويطلع يجنن

    وبرضو الخصل تحلي كثير والحين مافي وحده تقدر تقول ماتناسبني لان صارت بكل الالوان بدايه بالثلجي ودرجات البيج والذهبي مرورا بدرجات الاحمر والعنابي والفوشي ونهايه مع الاوان المجنونه الاخضر والازرق والموف وغيرها ..ودرجات الشوكولا الحين طايحين فيها للسمر تطلع تجنن مع الشعر الاسود او البني الغامق

    وبرضو اذا شعرك خفيف في مليون حل .. منها تلفيف الشعر وتلوين بعض الخصل يعطي كثافه .. التجعيد برضو يزيد من حجم الشعر .. برضو قص اطرافه الشعر ثلاث درجات وكل درجه بينها وبين اللي قبلها نص سم هاذي اوعدكم انها تعطي حجم اضافي للشعر عن تجربه... بعد اكسسوارات الشعر تبعد التركيز عن الشعر

    فرضا فرضا انك مافي امل تقتنعين ان شعرك ممكن يصير فيوم حلو الا اذا غيرتي فروة راسك.. خلاص كذا انا اكون فقدت الامل منك وبنتقل للفقره اللي بعدها




    عيونك..حلوه؟؟ اذا حلوه الحمد لله.. بس لاحظي ان حلاوة العيون مو بالضروره يعني انها كبيره وواسعه ... ممكن تلقين عيون كبيره وشينه اما بسبب بروزها مثلا او جمود نظراتها او تكون الرموش خفيفه ومفقده العين جاذبيتها او يكون فيه عيب جمالي فالوجه وخلق الله حسن بس يكون في شي فالوجه من بشاعته يخليك تفقد الرتركيز فالعيون..صح؟


    تمام يعني اذا اقتنعتي انه مو شرط العيون الكبيره هي اللي حلوه

    طيب اذا ما اقتنعتي ... بقولك ليش ماتكبرينها ؟؟


    وهاذي عاد مايبيلها شرح.. كحل داخلي خارجي ظل ماسكرا كحل اسود بني اخضر ازرق تركواز ابيض لتوسيع العين ... ظل غامق تحت العين يخفف التورم كونسيلر يخفي السواد تحت العين الوان فاتحه توسع العين والوان غامقه تعني للعين توازن وماسكرا تكثف وماسكرا تطول ... بس جيبيلك أي مجله او ادخلي منتدى عشان تتعلمين مو عشان تتفرجين وبتلقين اللي يناسب عيونك ويعطيها جمال ولو اني ماظن الحين في وحده ماتعرف تتكحل وتضبط عيونها ...

    وبرضو االحين كل الوان العدسات اللي فالدنيا تقدرين تختارين منها اللي تبين وطبعا سيد الالوان الرمادي المموج مع سماوي وعسلي هذا اللون اللي اثبت فعاليته مع كل انواع العيون وكل الوان البشره وعمر احد ماحط هاللون الا يطلع قمر ونظراته جذابه واكبر دليل إليسا اللي ماتشيل هالعدسات ابد ابد وشوفي كيف عيونها ...

    وبرضو اذا كنتي تلبسين نظاره طبيه جا الوقت انك تشيلينها .. عندك ليزر وليزك واذا ماتبين او ظروفك ماتساعد سويلك عدسه طبيه وقضينا

    ولو ماتبين برضو تقدرين تظلين على نظاراتك بس تختارين موديل يناسب تقاطيع وجهك واطار حلو يناسب كل شي ممكن تلبسينه يعني مايكون مره شكله عملي مثل البرواز البني او الاسود العريض ولا يكون فيه فصوص او كريستال او تدرجات الوان زي اللي طالعه الحين وتطلع عيونك كنها فكرنفال لحالها ... ولو اخذتي الاثنين بتسوين معروف ... اما اذا وحده بس .. فانا لاحظت ان النظاره اللي بتدرجات الزيتي وتدرجات الكحلي وتدرجات العسلي وتكون بدون برواز ملون تجنن على الكل وتحلي أي وجه ..



    طيب ..الحين رغم اللي ممكن تجملين عيونك فيه برضو مو واثقه من نظراتها معقول ؟

    بتقولين اووووه بقعد 24 ساعه حاطه هالمكياج؟؟ وراي تدريس ووراي زوج وعيال واعجز قبل كل صلاه امسح واغسل وماله داعي كل يوم واخاف تنعدم عيوني من المكياج كل يوم والهوليلللااا اللي تقولونها كل ابو داايم...

    إذا على المسح؟؟ فيه الف نوع مزيل مكياج سريع وسهل ومريح... واذا ماتبين كريم في مناديل ازاله مكياج واغلب الماركات منزلتها واذا تبين شي اسرع واسرع جيبي زيت جونسون بيبي اويل وامسحي فيه ثواني ويختفي المكياج..

    واذا على البشره مافي اكثر من الكريمات المغذيه لتحت العين منها جل ومنها كريم ومنها بخاخات فيتامين وكلها اسعارها مناسبه ..واذا برضو ماتبين وعجازه لدرجه لاتحتمل .. تكحلي باثمد عربي مفيد ومنظف للعيون ومنزلينه اكثر الماركات باكثر من لون وانا عن نفسي استخدم الكحل العربي اللي من ماركة قيرلان منه اسود وبني واخضر وفيروزي هو بودره زي كحل العجايز بس علبته انيقه جدا ولونه مرره يجنن فالعين ...

    واذا على الرموش تقدرين تستخدمين ماسكارا زيت الخروع من بودي شوب تغذي لك رموشك زود على تجميلهم وفي كثير انواع ماسكارا مرطبه ومغذيه للرموش ماتكسرها ..


    واعتقد الحين مالك عذر تقولين مافي وقت ولا تضرني ولا امل واطفش .. محد يمل من الحلى والجمال .. وماظنك بتحسين بالملل لما يتغزل زوجتك بعيونك ولا يطلعها وهو فاتح فمه وانتي تسولفين ... واذا خايفه هو يمل ( لانكم ماتغلبون بالاعذا ر عشان ماتتزينون ) بقولك لاتحطين كل يوم نفس اللون ولا نفس الرسمه .. يوم خفيف يووم ثقيل يوم داخل العين يوم من برا ... وانا اضمن لك ان مل من المكياج كله مابيمل من الكحل وهو قمة الجمال والانوثه ورغم كذا اكيد مابتقعدين عمرك كله بمكياج بيمر فترات بتقعدين فيها بدونه ... ولما تحطين مكياجك لازم يكون فعلمك انك تحطينه مو للاخفاء لكن للتجميل ودربي نفسك على هالشعور

    صح ونسيت اقول ... نزل من فتره عدسات جديده شفافه بدون لون للكن ميزتها انها فيها لمعه جناااااااااان لو حطيتيها مابيتغير لون عينك لكن بتصيرين زي البسيسه اللي عيونها تلمع ورموشها طويله ( اللي نشوفهم فالكرتون )

    ماتلاحظون انه فالكرتون لما بسيسه ولا فاره ولا سمكه تدلع ماتدلع الا بالكحل والرموش هههههههه شفتوا كيف العيون قتاله

    خصوصا اذا كانت مع بودرة خدود ورديه ومرطب شفاف يلمع شفايفك وماياخذ لونها بتطلعين شي
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:39 pm

    طيب لنفرض ان عيونك ولا شي ولا في امل تحلى فعينك ولا فعين غيرك؟؟



    تعالي للشي اللي بعد الشعر والعيون

    ممم بشرتك...


    هاذي عاد يطول شرحها لاني احس الواحد ممكن يقنع نفسه باي شي مو حلو انه حلو الا البشره ماقد شفت احد بشرته شينه ومقتنع فيها
    بس على الاقل الواحد يحاول يعالج وبعدين يخفي وبعدين يتعايش



    نجي للبشره واللي بتخليك تدلعين وتحبين تدلعين وتصيرين دلوعه بدون ماتصيرين متصنعه


    اول واكبر مشكله فالبشره هي الحبوب .. وهاذي بجد مشكله عويصه ومافي حل الا دكتورة الجلديه ..

    وتمتنعين عن الاكل اللي يطلع لك الحبوب وتحاولين تخفينها بدون ماتخلينها تلتهب ..والحبوب كل ماكثرتي فوقها طبقات مكياج كل مازودت المأساه سواء من ناحيه صعوبه العلاج بعدين لانك تخلينها تتلوث ومنظرها يصير شين
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:40 pm

    اذن هاذي المشكله اللي من جد مافي حل لاخفائها تماما لازم لازم تتعالج...

    بالنسبه للمكياج معروف انه يزيد الطين بله اذا كثرتيه وهذا اللي غالبا يصير
    لكن الصح ايش .. اولا تخفين الحبوب نفسها بشكل فردي بعد كذا تحطين كريم اساس حسب اللي يناسب بشرتك وبما انك فيك حبوب غالبا بشرتك دهنيه فخوذي كريم اساس مو دهني وتاكدي من هالشي ..

    ثالثا .. البودره السائبه عمري ماحسيت انها تضبط او تحلي على البشره اللي فيها حبوب اللي تخلي مكان الحبه يبان كانه مقشر الا طبعا اذا حطه خبير مكياج.. لكن بالشكل اليومي عن نفسي عمري ماشفته ضبط على وحده ..بعد كذا شوية بودره خدود بتطلع تجنن والافضل الابتعاد عن الوردي لانه يبرز المشكله وتذكرت كمان لما تاخذين كريم اساس احرصي انه مايكون اللي مايل على وردي الافضل والافضل تختارين كريم اساس على بيج او ذهبي وبودرة الخدود تكون درجات الترابي والمشمشي والموف تطلع مره حلوه بالنسبه للطريقه اسمحولي اقولكم بكل تواضع


    اول شي لازم تكونين مغسله وجهك بصابونه طبيه مناسبه لك تشيل الدهون من وجهك عشان مكياجك يصير مرتب .. بعد كذا حطي كريم ترطيب مناسب..وبعدها الكونسيلر او مخفي العيوب وهنا احب الفت نظركم ان مخفي العيوب فالعاده يكون الابيض او البيج القوي سواء قلم او سائل تحطينه بعدين تحطين كريم الاساس فوقه.. هذا غلط فغلط لان المخفي هذا هو للبقع الغامقه او للي بشرتها مالها لون موحد.. لكن الحبوب اللي فالوجه المخفي حقها لونه اخضر .. تلاقينه فماركات كثير تحطينه باصبعك او بفرشه ..غالبا يكون بعلبه تلاقينها ثلاث الوان بيج او ابيض واخضر وبني البيج والابيض للتفتيح وتوحيد اللون والاخضر للحبوب والبني عشان تصغرين اماكن او تكبرين اماكن زي اللي تحطه حليمه بولند لتصغير حجم الانف ينحط من الجوانب بني بعدين تحطين فوقه كريم الاساس بدون ماتضغطين بقوه وينحف الانف ويطوله واغلب الفنانات يسوونه ...


    طلعنا عن الموضوع نرجع للحبوب .. الكونسيلر الاخضر تحطينه على كل حبه وتوزعينه عليها وبعدها تحطين كريم الاساس اللي يناسبك..

    واحب افيدك اذا ودك تعرفين عن كريم اساس يجنن.... من عشقي للمكياج جربت كثيررررر ماركات بس قبل ثلاث اسابيع طحت على كريم اساس ابدااع يخلي وجهك ناعم ومخملي وزي االلمبه وبنفس الوقت مو ثقيل بصراحه روووعه جدا .. هو من ماركة فور ايفر ..تلاقينه فمحلات وجوه (فيسزز) فجده موجود فسوق حراء وفاماكن كثير وفالرياض موجود وفالشرقيه برضو .. وعلى فكره حاليا هالماركه ماكله الجو بقوه عندها الوان كحل تجنن خصوصا الازرق التركواز سائل مائي تحطينه كحل او ظل يجنن وفي برضو كحل موف يجنن وناعم مره .. والوان الظل حقتهمومميزه .. وكريم الاساس ذا بصراحه بطيح فيه طيحه لانه يجنن وبعد اخذت لصديقتي نفس الاساس بس من درجات الالوان حقت السمر وطلع حلو انشالله يعجب اللي تجربه ....

    نرجع للحبوب ...
    خلاص حطينا كريم الاساس واللي اتفقنا مايكون دهني ولا مايل للوردي عشان مايزيد المشكله ..وفي برضو كريم اساس من ماكس فاكتور يمدحونه الل يياخذ درجة لون البشره بكل جزء من الوجه للامانه ماجربته بس اتوقع يطلع حلو للوجه اللي فيه حبوب ..





    اما بالنسبه للسمار ..


    ياقلبي عليه ..مافي احلى من السمرا وخصوصا لما تكون كلها ثقه بنفسها ... عمرك لاتحطين كريم اساس او بودره فاتحه عشان مايصير لونك رمادي وعمر مكياجك مايضبط...

    اذا تبغين تفتحين لونك اختاري درجه لون افتح منك بدرجه وحده بس مو اكثر عشان ماتطلع رقبتك او يدك لما تقربينها لوجهك لون ثاااني وبعيد... كل ماكان الشكل طبيعي طلعتي احلى ...والسمرا كثير الوان تناسبها درجات الترابي والعنابي والذهبي والمشمشي والموف ودرجات معينه من الاحمر تطلع حلوه عليها

    لكن بالذات الاحمر والوردي لما تختارينهم اختاريهم بحرص لان لون ممكن يخليك ملكة جمال ولون ممكن يخلي لونك قاتم او بشرتك صفرا

    او بالنسبه لتغير اللون فبعض الاماكن للي لون بشرتها حنطي او بيضا .. فانا اعتقد صراحه انه مو مشكله كبيره زي منطقة الابط مثلا .. يعني اظن مجرد انك تهتمين بازالة الشعر من هالمنطقه باستمرار واستخدام الليمون والجلسرين فالفتره اللي تشتغلين فيها وانك لما تتحممين تهتمين انك تحطين مزيلات عرق مناسبه لك بروايح حلوه ومافي مشكله لو حطيتي كريم اساس خفيف فهالمنطقه ...وخلاص ..ماهي نهاية الكون لاصار الابط غامق ولا يمنعك تلبسين بلوزه انتي حابتها اهم شي الريحه الحلوه ونعومة البشره تغطي على كل الالوان ..تتوقعين زوجك بيفضل أيش اكثر ؟؟ تكونين نظيفه وناعمه وريحتك حلوه ولابسه بلوزه ولا احلى بدون كم ومره شكلك انثوي مع اسمرار فالابط.. ولا بيفضل بلوزه نص كم او كم طويل كل يوم كل يوم مع عطر على هالبلوزه وخلصنا؟
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:41 pm

    بالنسبه للنعومه ... اكيد اول شي ازالة الشعر من الجسم كله ..

    بالله كيف بتدلعين وانتي مخبيه الشعر اللي طلع فساقك وخايفه يلمس بالغلط كوعك الخشن ... ولا خايفه يلمس كف يدك ويلقاه متقطع وخشن سواء بسبب الغسيل والشغل او الاهمال !

    اكيد مابيكون عندك ثقه انك تقعدين جنبه براحتك بس مو بعد انك تدلعين وهذا مو لان عندك مشاكل مستعصيه ولا قبيحه لأ.. لازم تعترفين انك عجازه وبس ...
    ومع الايام مع الميانه والتعود على الزوج واول مايروح الحيا .. بتصيرين ماتهتمين ان شاف ساقك بشعر ولا شاف شعرك منفوش ولا لمس جسمك وهو خشن ... ولاتقولين بطل يحبني زي اول او خلاص مل مني او الكلمه اللي دايم نقولها لانفسنا انك مهمها تزينتي بيمل منك خلاص وتبهتين بعينه...

    غريبه؟؟ اشوف الفنانات مايبهتون ولا حتى نفسنا يالحريم نمل من شوفتهم؟؟ دام نترقب الجديد ياتري الفديو كليب الجاي كيف بتسوي شعرها ؟ ياترى المقابله الجايه وش بتلبس فستان ؟؟ ياترى وش لون المكياج اللي بتحطه بالحفله الفلانيه وكيف ستايل الفستان الي بتنزل صورها فيه ؟؟؟

    ليش ماعمرنا ملينا ابد لا حنا ولا رجالنا من النظر والتأمل والتمعن بجمال هالفنانات اللي اغلبهم عدوا الثلاثينات وانا هنا اقصد القديمات من جيل نوال الزغبي ونجوى كرم وديانا حداد وغيرهم .... مليتوا منهم؟؟ مو كل فتره ودكم تشوفون وش صاروا وش لبسوا وش تغير فيهم؟؟ يعني مامليتوا... لان ببساطه الزين محد يمل منه... لكن انتي تقنعين نفسك بهالشي بالقوه لحد ماتصدقينه... لكن اتحدى اذا كان زوجك يشوفك احلى بنظره بعد شهر اذا كنتي تتنزينين ثلاث مرات بالاسبوع ... ويشوف حلاك اقل اذا تزينتي سبع مرات فالاسبوع ؟؟ هذا التفكير بقمة الغباء ... ماراح يمل دام زينك كل يوم بلون وشكل وشعرك كل شهرين ثلاث بقصه ولون ....


    اسعدي نفسك واسعديه وخلي ثقتك بنفسك كبيره ... انوثتك مصدرها ثقتك بنفسك والمرأه بهالزمن ثقتها اولا تجي من جمالها او بمعنى اصح اهتمامها بنفسها ...

    نرجع لنعومة البشره ..


    0 اول شي تهتمين تزيلين شعر جسمك شهريا بعد كل دوره واذا كان نموه سريع مرتين فالشهر ولا تتعيجزين مره لانك بتعيجزين دايم.. ومابيمر سنه الا والشعر اللي فجسمك خفيف بنسبة 50 فالميه لان البصيلات تضعف مع الاستمرار انك تشيلينها اول ماتطلع



    0 كريم مرطب للجسم ويكون عطري وحلو على ذوق زوجك؟


    عجزانه تدهنين جسمك كله؟ بسيطه ياستي
    من فتره ماهي قصيره جونسون نزلت سبراي بخاخ زيت ترشينه رشششش بس على جسمك بعد ماتتحممين ولا انعم يالعجازه ولا حتى البخ عجزانه عنه؟


    بعدها دهني يدينك ورجولك وركبك واكواعك ماياخذ منك ثلاث دقايق بكريم معطر لو نفس ريحة عطرك يكون احسن وبخي فوق الكريم بخة عطر قبل يشربه الجسم عشان يثبت ومرطب حلو لوجهك وبتصيرين ولا انعم


    0 اذا بشرة جسمك خشونتها مستعصيه بس قبل ماتتحممين افركي سيقانك وركبك ويدينك واكواعك بزيت زيتون مع سكر افركي بشكل دائري لحد ما يحمر الجلد شوي وبعدها بنفس اللحظه بتصيرين حرير كرريها كل اسبوع مره تجدد بشرتك وتنعمها وبتصيرين والحرير ينزلق على ساقك زي الدعايات ...





    0 هنا ابي اقولكم عن جل جديد نوعا ما اللي متأكده منك ان الاغلبيه مايعرفونه هذا الجل يخلي البشره بدون مبالغه حرير حرير حرير .. تدهنينه على يدك او صدرك او رقبتك او وجهك او أي مكان تبغينه اول شي هو ماينمسح يعني اقصد مايبلل الملابس او لو تمسحينه بكلينكس مايبلل .. مو قادره اوصفه زين لان قوام الجل غريب وماتتشربه البشره بس يعطي نعومه ولمعه طبيعيه تجنن وكله كوم ولما تحطين فوقه شوي بودره لماعه لؤلؤيه او ذهبيه يطلع خياااااااااااااااااااالي اضمن لك تدمنين عليه ادمان وله استخدامات كثير



    منها تثبيت كريم الاساس وينخلط مع الظل يخلي اللون يطلع مركز زي ماهو فالعلبه وبرضو يثبت حبوب الجليتر او اللمعه اللي تنحط فالصدر او الوجه او الكتوف .. انتي بس لما تشترينه بتلقين له استخدامات ايوه نسيت اقول بعد انه مخفي للتجاعيد واعتقد انه بيصير روعه اذا البشره فيها اثار لحب الشباب لانه يغلف البشره يخليها متساويه ولما تحطي اساس فوقه يطلع مره حلو المهم طولتها عليكم الجل هذا تلقينه برضو فمحلات وجوه اللي ذكرتها قبل كذا وهي مو موجوده بكل مدن المملكه للأسف ..وهو من ماركة سماش بوكس موجوده اعتقد فقط في محلات وجوه او فيسز وسعره 140 ريال واسمه فوتوفينيش ...انشالله يعجبكم.. سعره غالي نوعا ما بس كميه صغيره مره منه تمدينها على مساحات كبيره يعني اقتصادي الا اذا كنتي بتتحممين فيه فيبغالك كل شهر واحد


    طيب فرضا ماقتنعتي هههههه ولا ماقدرتي تجيبين لا الجل ولا البخاخ ولا الزيت ولا عندك استعداد تسوين

    وش اخبار فمك بكل ما احتواه من شفايف ولسان واسنان وصووت وهذا الفقره الاخيره لان اذا ماقتنعتي بشي منها لاتكملين قراءة موضوعي هههههه مابيك


    اول شي يقابلك وانتي رايحه للفم الشفايف

    أول مشكله يانها تكون صغيره يانها تكون كبيره صح؟



    طيب لو كانت صغيره ..
    ممكن ترسمين بمحدد الشفايف خط شفايف وهمي خارج الحدود الاصليه بس لازم يكون لون المحدد نفس درجة الروج تماما عشان يضبط وبيطلع حلو بعد ماتتمرنين على وضعه

    0 القلوس او الملمع من اكثر الاشياء اللي تكبر الشفايف وتحليها وحسب ما اسمع انه جذاب جدا ا واكيد فهمكم كفايه.. فيه منه انواع والوان واشكال وانا عن نفسي جربت ماركات كثير ... لكن والله والله مالقيت القلوس اللي زي اللي اشوفه فالصور والتلفزيون اللي يخلي شفايفك زي القزاز مليانه ومنفوخه وتلمع ومافيها خطوط الشفايف الا فماركة فور ايفر عندهم ألوان مدمررره تجنن بدرجات روعه الوان الوردي والمشمشي والاحمر وغيره وغيره فيه بقلتر وبدون يجي زي العصار يعني ماتحطينه بفرشه زي القلوسات العاديه هو زي ماقلت عصار وفيه فتحه صغيره من فوق تضغطينه وتاخذين بفرشه من عندك ماله فرشه بس يجنن يجنن وسعره خمسين وحاجه .. وعندهم برضو قلوسات بروائح الفواكه جدا رووعه بالوان روعه ولماعه بس ريحتها شي رهيب ؟ وبرضو في فمحلات مكياجي المعروفه قلوسات حلوه


    0 بالنسبه لتشققات الشفايف في فنكتار وبرضو عند بودي شوب مرطبات قويه وحلوه بالفواكه وزبدة الكاكاو وبعد كويسه تدهنين فيها الشفايف



    0 اما بالنسبه للتصغير .. فاول شي ماتستخدمين الوان غامقه .. الالوان الترابيه واللحميه تناسبك كثير والافضل ماتستخدمين قلوسات لانها تزيد حجم الشفايف ..والمحدد اللي بارز ولونه قوي ومو ممزوج فالروج مايناسبك لانه يركز النظر على حجم الشفايف ..

    والمفروض تنبسطين بصراحه لان الموضه هالسنتين الشفايف الكبيره العالم تحقن سليكون وانتي رباااني ابسط ياعم...ولو انا منك احط اطلق قلوس ولايهمني واكبرها زياده ههههه


    بس زي ماتفقنا لازم تكونين انتي اللي معجبك هالشي ومرتاحه عشان تدلعين وانتي كلك ثقه


    0 اما اذا كان لون شفايفك غامق او محدده شفايفك رباني بلون غامق فالحل انك تحطين طبقة كريم اساس على شفايفك قبل تحطين الروج عشان يعطي اللون اللي تبغينه

    وغالبا لما تبغيت تشترين روج عاجبك لونه خوذي نفس اللون افتح بدرجه عشان مع شفايفك يطلع اللون اللي تبين ..



    0 وطبعا عشان يطلع الروج حلو لابس تكونين شايله الوبر اللي فوق شفتك العليا او على الاقل مشقرته عشان تكتمل الانوثه <<لاحظوا اني ماقلت الشنب عشان ماجرح انوثتكم ههههه
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:42 pm

    خلصنا من الشفايف ولو ماقتنعتي خلينا نروح للأسنان 0 طبعا التسوس او اذا فيه اسنان بارزه او مو مرتبه الاسنان فانتي بقمة الغباء اذا سكتي على نفسك لان جمالك وجهك مايكمل الا بابتسامتك وابتسامتك عمرها ماتصير مشرقه الا باسنان صحيه على الاقل ومرتبه ونظيفه لو ماكانت بيضا ثلج..

    فلازم تكون اسنانك تمام التمام وماعندك تسوي

    ولو اطراف اسنانك مكسره روحي لدكتور اسنان كويس يسوي لك اياها لو طرفها مكسور

    او كان متسوس الحين في ماده يستخدمونها تعوض المفقود من اطراف السن ومو مكلفه كثير ..

    وطبعا اكيد اذا اسنانك يبغالها تقويم حتى لو عندك عشر عيال لازم تسوينها كفايه اللي راح من عمرك...

    واذا اسنانك تعبانه ركبي اسنان

    واذا لثتك فيها نزيف او التهابات لازم تتعالج مالها حل لانها بتتعب اسنانك وبتسويلك رائحه فالفم وانتي فغنى عن هالاشياء اتفقنا


    0 طيب الحين انشالله تكونين خلاص مافي تسوس مافي سن طالع سن نازل مافي سن مكسور ..

    نجي للنظافه الللي مافي مفر منها لاي انسان فكيف عاد فمرأه ومتزوجه وتبي تدلع ؟ فرشه ومعجون وخيط تنظيف اسنان + فحم تفركين فيه الاسنان كل كم يوم يشيلك الطبقه المتراكمه على الاسنان من بقايا الاكل تمام ويبيضها او ملح وهيل يطيب فمك ويبيض اسنانك... هذا بشكل شبه يومي ... والحين لازم تسوين تبييض اسنان اذا اسنانك صفرا او متاثره بالشاي والقهوه او لو كنتي لاسمح الله لاسمح الله ربي مبتليك فالتدخين .. واول كان غالي بس الحين الاعلانات ماليه الجرايد عن عروض تنظيف الاسنان وتبييضها من 50 ريال وانتي طالعه ل400 واكثر واكثر حسب اللي يناسب ميزانيتك..

    وبعد الحين طايحين بطبقة البورسلان اللي يدهنون فيها الاسنان وتطلع لولو زي اللي مسوية اصاله نصري بيااض ناصح واسنان تلمع وابتسامه حلوه .. بس ماعندي فكره عن اسعاره


    0 بالنسبه للسان تنظيفه يكون بالفرشه حقت الاسنان وفي فالصيدليه حاجه اسمها معلقة اللسان تنظفين فيها اللسان الصباح او بعد الاكل تتخلصين من البقايا او من مسببات رائحة الفم اللي تكون على اللسان ...وفي كثيرررر انواع غسولات فم ومضمضات بكل النكهات ..لكن سيمعت ان طعمها مش ولابد بالنسبه للطرف الاخر

    وبرضو في بخاخات للفم فكل الماركات وممكن تلاقينها فالصيدليه تعطر الفم ...
    وطبعا مافي احسن من السواااك تنظفين اسنانك وتطيبين فمك فيه .. واذا غلبتي حبة هيل تمضغينها ولا حبوب مص مثقل بولو وغيرها تقوم فالواجب ... ولاعاد تجين تقولين فمي واسناني ؟؟

    الحين بعد ما صارت نظيفه ومرتبه وريحة انفاسك حلوه بتقعدين جنب زوجك بكل ثقه وتبتسمين من كل قلبك بدون ماتلفين وجهك ولا تحطين يدك على فمك ولا تخافين تهمسين له من قريب ولا تقبلينه باي وقت او يقرب منك وتتهربين منه ولا تضطرين تقولين مافرشت اسناني ؟

    وبالنسبه للزينه ... طايحين الحين بالكرستالات اللي تنحط على واحد من الاسنان الاماميه .. وطالعه حلوه على كثير بنات ممكن تحطينها من باب التغيرر والاحلى تكون صغيره ... سعر ها مع التركيب عند دكتور الاسنان ب400 واذا ماتبين ممكن تشترينها من محلات التجميل العاديه ب20 او 30 ريال تلصقينها وتشيلينها وقت ماتبين وتحلي لك فمك خصوصا اذا اسنانك حلوه




    أظافرك...



    بالله اذا مانتي قاعده تبردينها وتنظفينها وتعقمينها كل يوم وتحطين كل يوم مناكير لون وكل يوم رسمه شكل ليش مطولتها؟؟ قصيهم اصرف وانعم ليدك..



    صدق الاظافر تكون انيقه وهي طويله شوي لكن تطولينها عشان سهره ولا عزومه كل اسبوع اسبوعين وكل يوم تطبخين وتغسلين وتمحين وانتي اظافرك طويله وسودا واطرافها مكسره كله عشان بعد فتره تصير مناسبه واظافرك طويله وقتها تطيرين لاقرب صالون منيكير وبديكير واحلى مناكير ليش ؟ طيب وزوجك مايستاهل ؟


    اجل انا اقولك وش تسوين قصيها وخليها نظيفه ومرتبه ولما يصير عندك مناسبه ركبي اظافر وحطي المناكير اللي تبين بس اظافر وصخه ومكسره لأ اتفقنا؟



    اللبس


    خلصنا من جسمك نفسه نجي عاد للبسك وطبعا مستحيل اجيب طاري لبسك برا البيت لاني ادري انك بتكونين خبيررررررررررره فيه وكل شي على الموضه تعرفينه بس للي برا البيت سبحان الله ... تعالي نتناقش انا وياك ونتكلم بصراحه




    أدري انك فالبيت تبين ترتاحين طيب هذا متفقين عليه بس ليش هالراحه ماتجي الا بقميص قديم ولونه غبي ووسيع كنه مو لك وموديله نص ونص ؟

    ليش مجرد مسمى اسم لبس البيت صار معناته قميص قطني من ابو عشرين ولا من ابو خمسه مشي حالك..
    وان تكرمتي لبستي بودي ولا بلوزه من اللي كرفتيهم لبس برا او شكلهم طلع مو مره مع جنز قديم ولا أي شي ومشي حالك وغالبا حافيه
    ولا شبشب من تزوجتي ماغيرتيه ليه؟

    طيب ليش الاكسسوار بس برا البيت طيب اقنعيني ؟ يعني بتفقدين توازنك لو لبستي حلق كل يوم؟ ولا يعني اصبعك بيطلع من مكانه اذا لبستي خاتم ناعم .. ولا بتختنقين اذا لبستي سلسله لو بدون تعليقه ؟





    طيب قوليلي من اللي قال بس ان اللبس المريح لازم يكون شين او خلينا نتجاوز ونقول مو جذاب ...

    طيب ليش ممنوع لونه يصير فاتح وحلو ويفتح النفس طيب القميص الواسع اللي مكبر سنك ومزود حجمك ومخفي ملامح جسمك وماظن بتجرأين على حركة دلع وحده وانتي لابسته؟

    ومن قال ان القميص اذا صار جذاب وناعم ويفتح النفس بيصير مو مريح ههههههه




    عليكم اشياء تقهر وتفرس على قولة المصريين ..

    طيب مو أريح البنطلون القطني او الجنز او أي قماش فالدنيا مو شرط يكون لاصق فيك وكاتم انفساك؟

    مو احلى بودي ناعم او توب او بلوزه احلى من القميص اللي كمه مكشكش وزرايره تهبل ويقهر قهر

    طيب الشبشب الله يكرمك يوم انك تلبسينه كل يوم وكل وقت مع كل لبس وفالمطبخ وفالحمام وفالصاله وممكن تدخلين به غرفة النوم ليييييييه

    الشباشب مو غاليه واقصد شباشب البيت اطلق ماركه بيكون سرعه 49 ريال ومن أي محل بتاخذينه بعشره وعشرين يعني بس لو كل مره تروحين تشترين جزمه للفستان الفللاني وصندل للطقم العلاني ب60 ريال تجيبين ثلاث اربع شباشب للبيت الواحد ب10 و15 وش بيكلف


    طيب ليش القمصان كيف بيجيك نفس تدلعين وانتي كاشخه بقميص لابسته امس وقبل امس واللي قبله ؟ طيب فرضا صرتي وسيعة وجه وتدلعتي منهو بالله اللي بيتقبل منك؟




    نكمل



    ليه ماتمرين أي محل رخيص وتاخذين لك تشيكلة بجامات حلوه والفساتين القطنيه اللي تجي لتحت الركبه وبدن اكمام وموديلاتها كثيررر والوانها اكثر .


    . ليش ماتاخذين من الطقوم اللي تشبه الترنقات الرياضه اللي تجي ثلاث قطع بنطلون وبودي وجاكيت قصير ...


    ليش ماتجيبين من القمصان اللي تكون نص كم وطولها لين نص الساق ومرسوم عليها دبدوب ولا ارنوب ولا اي رسمه ناعمه تفتح النفس ولا تجيبين من البجامات اللي تكون بودي وبنطلون قطني ومعاه روب نعوم تطلعين كأن عمرك 17


    وكل بجامه معها شبشب لونه مناسب ونظيف ويفتح النفس ...


    ولا تشترين من البرمودات اللي بالكوم فالسوق وبارخص الاسعار ليه حارمه نفسك الدلع والثقه والاناقه وحارمه زوجك ليه


    انا عارفه ليه ماتدلعين خصوصا انا للحين مامات احساسك


    لو فكرتي تدلعين بينك وبين نفسك بتقولين مالاق الدلع الا علي يعني ؟ اكيد بيحس انه مصطنع .. يمكن مايتقبل ... يمكن تلوع كبده من دلعي الماصخ؟
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الأربعاء 14 يناير 2009, 4:45 pm

    ليش طيب جاك هالاحساس ؟


    مو لانك قبل شوي قبل لاتكشخين كنتي لابسه القميص القديم اللي من كم شهور وانتي تكرفينه غسيل ولبس غسيل ولبس ؟


    مو لان قبل امس قرب منك وانحرجتي وتوترت اعصابك ولا بادلتيه الضمه زي منتي ودك وهو وده تقولين ماله داعي تحك يدي بيده وهي خشنه؟


    طيب ليش لما يكون قاعد عند التلفزيون ماتجين بكل دلع وتجلسين بحضنه؟ لك وجه وانتي رجولك متشققه ويدينك كلها شعر واسنانك نسيتي تغسلينها بعد الغدا ومنتي واثقه من شكل شعرك مع انه مغسل لكن مو مسشور ؟


    طيب بالأمانه لما يجي فبالك زوجك وانتي قاعده معك اقصد تبغينه مثل ماتبغى الزوجه زوجها اكيد فهمتيني امانه جاوبي نفسك بصدق .. على طول وبكل ثقه وبنفس اللحظه تقومين له وتبوسينه وتحسسينه برغبتك بكل ثقه ولا تطيرين تاخذين دش والموس يشتغل فكل انحاء الجسم وتطيرين كريم من هنا وعطر من هناك وفرشة اسنان من هنا ؟ ولا والمصيبه لما تروح السكره وتجي الفكره وترجعين له المجلس ..


    تقولين لنفسك؟؟ لالا الحين يقول ماتحممت وتزينت الا يوم بغتني ؟


    اذا يبيني هو يجي ولا بكيفه مالي خلقه بعد يعلق علي ..ولاصار هالموقف مره ثانيه تقولين ليه من اساسه اروح اتضبط وانا عارفه اني بجي ومابيجيني نفس اتقرب له



    ليه ماتنطلقين باحساسك وبحياتك يعني الحين بالله حارمه نفسك اشياء كثير وحارمه زوجك طلتك وجوك وانوثتك بس عشان ما تاخذين من وقتك كل يوم ربع ساعه عشان تكونين جاهزه له ولنفسك باي لحظه وباي وقت




    قولي لنفسك وش المتعب ؟ وش المكلف ؟ وش الشاق ؟

    -تعب عليك بعد كل دوره شهريه تقعدين ساعه او اقل تزيلين شعر جسمك كله

    ساعه فالشهر كثير ؟


    -طيب تتحممين فرضا مرتين فاليوم

    لهدرجه ينهك قواك انك تمسكين بخاخ جونسون وتبخينه على كل جسمك؟ دقيقه وحده بياخذ

    طيب متعب تدهنين يدينك وجولك بكريم مرطب بياخذ دقيقتين

    طيب تبخين سبراي معطر بياخذ نص دقيقه يتعب ؟
    ماظن انه يتعب

    تشيلين المنشفه عن شعرك وتمشطين شعرك وتحطين سيروم وتفركين شعرك وتنشفينه بسشوار هوا وتسشورين كم خصله من قدام وترفعين الباقي باكسسوار شعر انيق وتنزلين كم خصله كل ذا مابياخذ خمس دقايق وكل ماتعودتي صار االوقت اقل


    ( على طاري السيروم تراه مره كويس خصوصا للي يغسلون شعرهم كثير وهو ماده زي الجل بس ماياثر بشكل الشعر مايصير منفوش او ملبد يعني لكن شغلته تحطينه على اطراف الشعر وهو مبلول عشان مايتقصف ويحميه من حرارة الاستشوار ومن أي شي يتعب اطرافه ويتعبه موجود فكل محلات التجميل في سيروم كريستال وريحته عطريه حلوه وفي سيروم بدون أي ريحه من نكتار سعره 40 وكريستال سعره 35 ومادري اذا في من ماركات ثانيه او لا )

    نرجع لموضوعنا


    نجي لوجهك كريم مرطب وبعده شوية قلوس وكحل جوا العين وماسكارا خروع وبودرة خدود مابتاخذ ثلاث اربع دقايق

    البسي حلق وخاتم نعوم وححطي خلخال صغير فساقك والبسي أي قميص نعوم قصير وش يمنعك ورجولك ناعمه ونظيفه ؟
    وماله اكمام بعد وش يمنعك ويدك مافيها ولا شعره وناعمه وتكونين باخه على مكان النبض اللي فيدك بخة عطر ياسلام واظافرك مقصوصه كل اسبوع مره ونظيفه واسنانك مفرشيتها ولا فيك ولا سوسه ولا بقعه فاسنانك وتكملين طلتك ببختين عطر وشبشبك النعوم ابو فيونكه ورديه ...


    يالله روحي طالعي نفسك وقوليلي وش يمنعك تكونين كل يوم كذا واحلى ؟ وش بينقص عليك؟


    كل يوم تقعدين عند البرنامج الفلاني والفلم العلاتي ساعه ساعتين وتكلمين صديقتك ربع ساعه ونص ساعه واكثر وتتصفحين مجله خمس دقايق عشر دقايق

    مستخسره فنفسك نص ساعه كل يوم موزعه تهتمين بنفسك؟

    مستخسره فنفسك انك تستقطعين من الفلوس اللي تروح بالهبل على الماركه الفلانيه ومحل الفساتين العلانيه بس ميتين ريال كل شهر تجيب لك اربع خمس غيارات للبيت كل شهر ..

    ومع التعود بتصيرين يوم تلبسين فستان طلعه نعوم عندك فصريه ويوم تملين حتى من البجامه الحلوه وتلبسين لك تنوره ناعمه وبلوزه من اللي تكشخين فيها لصديقاتك؟

    ليش ماتنسين شي اسمه قمصان وحوسه فالبيت؟

    المكان اللي يعلقون فيه القمصان فالمحلات لاتفكرين تمرين عليه وان اشتقتي لشي واسع ..

    مري اليشمك او افخم محل وخوذي لك اكشخ واطلق جلابيه باحلى الوان وحطي ذاك المكياج السنع ودهن العود و افردي الشعر الحلو وادعيلي هههههه بس قميص لايطري لك تجيبينه





    يالله انسي اللي فات وطلعي القمصان اللي عندك تصدقي فيها واذا كرفتيها وديها اقرب صندوووق مهملات على قولتهم ولا خبيها فدولابك لايام النفاس والكريمات والزيوت والخربطه حقت النفاس ...

    بس فبيتك انسيها ... واذا كان عندك اولاد لاتخربينها مره فاللبس

    ياسلام ياسلام.. مر شهر وشهرين وانتي زي القمر ماشالله عليك ولا انظف ولا انعم ولا احلى ولا اشيك...
    اتحداه ابو العيال يجي يوم يعلق على شعر ساقك ولا يعاير بفلانه وعلانه وتطير عيونه فالتلفزيون ماظنيته ...

    الحين بعد كل هالزين بالله ماتحسين ان شكلك صار دلع × دلع

    ماتحسين انك رهيبه ههههه


    شفتي شلون الزين يونس بس لو تتخيلينه

    اجل كيف لو تعيشينه....بتكسبين مابتخسرين ..

    ابدي من جديد وعيدي حساباتك لان العمر يخلص والشغل مايخلص وبكرا وبعده بتفتحين عيونك وتلاقين العمر عدىى بسرعه شبابك راح ..

    ترا لنفسك عليك حق ولزوجك عليك حق ..

    وحطي الله قدام عيونك واطلبي الاجر من الله قبل كل شي على اللي بتسوينه وانشالله بيعينك ويوفقك..

    وترا الزين مايكمل الا باخلاقك وذوقك وصوتك الهادي ....الله يوفقك

    ....الحين بقى اقول اني اشوف ان الدلع يبدا بالثقه والثقه تبدا من النظافه والاناقه وبعدين الجمال ...

    على اساس انك مره عاقله ومتزوجه وجمال الروح والاخلاق انشالله فيك شي مفروغ منه وبعد ماقتنعتي ان الدلع يجي من دلعك لنفسك اول ..

    وكل مامريتي من عند المرايه شفتي غزال شارد... مو بس فالمناسبات تشوفين شكلك مبدله


    اتمنى ان ينال على اعجابكم
    منقول
    avatar
    ريانهـ
    مشرفة بجعة الفوتوشوب والتصميم

    انثى
    عدد الرسائل : 153
    العمر : 30
    تاريخ التسجيل : 20/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف ريانهـ في الخميس 15 يناير 2009, 9:18 pm

    موضوع حلو ويبيله قراء مركزه
    تسلمو.
    ...


    _________________
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الجمعة 16 يناير 2009, 5:56 pm

    الله يسلمك اختي ريانه

    نورتي الصفحه

    تحياتي لك
    avatar
    ونة الم
    مشرفة منتدى بجعة العام

    انثى
    عدد الرسائل : 899
    العمر : 22
    الموقع : سنابس بعد حيي
    العمل/الترفيه : طالبة في المخرشة
    المزاج : good
    تاريخ التسجيل : 25/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف ونة الم في السبت 17 يناير 2009, 3:55 pm

    موووووووووووضووع رووعهـ


    ماننحرمش من جديدك خيتووهـ


    سلمت اناملكًـ


    تحياتي


    _________________
    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الخميس 05 مارس 2009, 1:38 pm

    الله يسلمك اختي

    نورتي الصفحه بوجودك

    تحياتي لك
    avatar
    p!nk butterfly
    بجعة انيقه

    انثى
    عدد الرسائل : 241
    العمر : 27
    الموقع : قطيفي بعد قلبي
    العمل/الترفيه : Nursing
    المزاج : متوترهـ
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف p!nk butterfly في الخميس 12 مارس 2009, 4:12 pm

    avatar
    شوق الدلع كله
    بجعة دهبيه

    انثى
    عدد الرسائل : 798
    العمر : 26
    الموقع : احلى ديره سنابس
    العمل/الترفيه : طالبة ثانويه عامه
    المزاج : رايقه طوووول الوقت
    تاريخ التسجيل : 26/12/2008

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف شوق الدلع كله في الجمعة 13 مارس 2009, 12:25 pm

    الله يسلمك حبيبتي

    اسعدني مرورك

    تحياتي

    ملاك الموت
    بجعة طفوليه

    ذكر
    عدد الرسائل : 22
    العمر : 27
    العمل/الترفيه : البليارد
    المزاج : رايق
    جنسيتك : بجع سعودي
    تاريخ التسجيل : 26/04/2009

    رد: اتريدين ان تكوني جميله ؟؟وواثقه من نفسك ؟؟

    مُساهمة من طرف ملاك الموت في الأحد 26 أبريل 2009, 3:01 am

    بل تعبت وانا اقرا بس شكرا وعسى تعبكم راحه

      الوقت/التاريخ الآن هو الأحد 19 نوفمبر 2017, 10:27 am